close
港嵌飛機 鬧市蓄勢待發
2012年10月15日
【am730訊】全球有7000架RV系列小型飛機在各地天空疾馳飛翔。3年前，香港一名民航機師，斥資200萬元引入同一系列的雙人螺旋漿飛機組件回港自行裝嵌，由最初幾乎無處容身，慶幸獲銅鑼灣聖保祿學校收留合作，至後來掀起航空界迴響，吸引半百本地飛機工程師及飛機師投入參與，時至今日，飛機已在課室「茁壯成長」，接近完成階段。首架屬於香港人的港製飛機，明年將奪窗而出，伺「機」待發。
記者：簡淑明 攝影：鍾式明
一架完整的RV-8雙人飛機長達21呎、闊24呎，也有5呎7吋高。聖保祿學校最初批准航空發燒友鄭楚衡（Hank）把飛機金屬片放入學校時，只放在6樓一個小工具室內裝嵌。經歷3年，機身日漸成型，今時今日已經要撥出打通的兩個標準課室來擺放，每周有近30名學生，與他在課餘及飯後時間一同琢磨，前後經歷過二百名學生協助，預計明年完成裝嵌，校長還決定屆時把課室近大街一邊共廿個窗口全部拆走，再在窗外與大街之間搭建一條臨時橋樑，以方便飛機組件順利滑出學校，再經大貨車運載到香港飛機工程公司的機場空地完成最後合體階段，準備試飛。
如斯大規模的一件航空界大事，一切源於鄭楚衡的一個小念頭：他自小希望砌出一架屬於香港人的飛機，由組件裝嵌以至環球飛行，也由港人一手包辦。鄭是國泰航空的民航機師，自小對天空及太空有無盡的幻想，中學畢業後到美國佛羅里達州攻讀航天工程，學校鄰近美國太空總署，每隔幾個月就看見火箭、穿梭機升空，他看得如癡如醉，後來知道能做到太空人的門檻太高，他決定考入國泰當飛機師。
他一直有留意，美國製RV系列小型飛機，專門全球出售予自行組裝。買家完成後經當地民航部門批核後便可飛行。「嗰隻飛機係要求購買者自行裝嵌，以達至教育用途，唔可以買番嚟俾人幫你砌，喺世界各國，RV-8已經有1,143架順利飛行，都係啲退休人士、或者係一家大細，買啲金屬片番嚟慢慢砌。而我喺澳洲受訓時，隔籬有一間航空技術學校，正係要求學生由散件一直砌，砌成一架飛機，呢個學習過程我覺得好有意義，一直都諗如果我都有能力買一架飛機的話，都要去一間學校同學生一齊砌。砌起之後我會作慈善用途環球飛行，之後就會將隻飛機捐出嚟。」
08年，他的積蓄剛好足夠購買一架RV-8雙人飛機，便開始聯繫港島區的中學，「我住喺天后，過一條馬路就可以到達皇仁，我聯絡過佢哋同附近一啲中學，不過無人騷我，後來我再透過教會，聯繫到聖保祿學校的黃金蓮修女，佢乜都無問就一口話好，對我非常支持，由嗰陣時開始，我就逐啲逐啲組件運到學校，同學生一齊砌。」
幫手「砌飛機」的學生都是經過學校挑選出來，每年約有廿名學生獲此機會。一直參與裝嵌過程的聖保祿電腦科老師黃珮渝表示，「砌飛機俾人感覺好似係要啲好大隻嘅男仔先做到，但其實係細心仲緊要過大隻。每一粒螺絲都係要經過精密步驟去安裝，試過有學生喺定機翼嘅螺絲鑽錯咗一個窿，我哋為安全起見，都放棄咗個機翼，Hank去紐約親自買過捧番嚟香港。成班學生當時有啲沮喪，原來錯一個小節就要全個機翼放棄，之後佢哋更留神。」。
鄭楚衡不僅感動聖保祿的校長，過去3年，陸續有同僚及懂得航空工程的專業人士主動聯絡他。至今工程師學會、機管局、飛機工程公司、飛行服務隊、香港商用航空中心(HKBAC) 甚至香港飛行總會，也加入團隊之內，國泰航空稍後亦會舉行推廣活動。「我係俾佢嘅行為感動，我同佢同期受訓，十幾年來都知道佢一直有個夢想想擁有一架屬於香港人嘅飛機，以前佢好迷太空，佢會喺eBay bid一隻太空人手套同俄羅斯太空人嘅頭盔番嚟，但點都無諗過，佢會用成幾百萬買架飛機返嚟一齊砌同埋想環球飛行，我一定要支持。」他的同僚兼好友譚文豪表示。
500萬買環球飛機夢
‧引擎─50萬
‧自動導航+無線電+航行系統─40萬
‧機體─50萬
‧為環球飛行改裝機件及操作零件─60萬
‧25小時飛行測試＋保險─50萬
‧物流+特別燃油運港─20萬
‧應急基金─30萬
‧環球飛行費用─100萬
‧各國領空升降費(逐海里計) ─100萬
‧總計─500萬
試飛受阻 20工程師隨時候命 民航處頭痕
(2012年10月15日)
【am730訊】港產飛行夢並不容易一飛升空，鄭楚衡一直與民航處聯絡申請試飛，得到的都是不積極的回覆。隨著愈來愈多專業航天工程師加入團隊，民航處面對「宇宙最強」的飛行申請，飛行團隊期望民航處終有一日放行。
民航處向本報承認，已收到鄭楚衡申請在香港註冊及飛行自行裝嵌的RV-8飛機，該型號從未在港註冊，過去該處亦未曾批准RV-8在港飛行。由於該飛機不符合發出適航證(Certificate of Airworthiness)的國際要求，因此只可申請飛行認可(Permit to Fly)，申請人要求在香港國際機場試飛共25小時，測試飛機性能，有鑑於香港國際機場已十分繁忙，每天接近1,000班航班升降，在該處試飛會對其他航班、公眾和其他空域使用者帶來不能接受的安全風險。民航處已拒絕有關要求，又聲言申請人必須得到機管局同意試飛申請。
現時協助裝嵌飛機的工程師多逾廿人，其中一名主動加入團隊的註冊工程師達仁，任職本地航空公司，專責簽發外國的民用客機合規格飛港，他熟知所有認證程序。「我哋早已獲得機管局口頭同意俾深夜或凌晨時分我哋試飛，而我哋要求嘅25個小時，只係需要一個鐘頭嘅起飛及降落，我哋飛咗出去係唔會阻到機場運作。」
現時在港常見的Cessna及飛行服務隊剛購入的東歐型號Zlin都與RV-8一樣，是單引擎飛機，達仁續稱：「據我所知，香港有好多外籍機師都有買RV喺自己家鄉砌嚟飛，因為佢哋知道喺香港申請試飛係非常麻煩。我哋明白要做到第一架飛機可以試飛，係一個非常艱巨嘅過程，希望可以逐小步逐小步咁打開。我哋下一步係積極爭取俾民航處派人到學校做檢測，承認我哋呢班持牌工程師除咗有檢測專業，亦有裝嵌嘅專業，所以學校裡面嘅組件一直都無嵌埋，就係等有一日民航處官員行出呢一步，肯到學校睇我哋嘅成果。」
2012年10月15日
【am730訊】全球有7000架RV系列小型飛機在各地天空疾馳飛翔。3年前，香港一名民航機師，斥資200萬元引入同一系列的雙人螺旋漿飛機組件回港自行裝嵌，由最初幾乎無處容身，慶幸獲銅鑼灣聖保祿學校收留合作，至後來掀起航空界迴響，吸引半百本地飛機工程師及飛機師投入參與，時至今日，飛機已在課室「茁壯成長」，接近完成階段。首架屬於香港人的港製飛機，明年將奪窗而出，伺「機」待發。
記者：簡淑明 攝影：鍾式明
一架完整的RV-8雙人飛機長達21呎、闊24呎，也有5呎7吋高。聖保祿學校最初批准航空發燒友鄭楚衡（Hank）把飛機金屬片放入學校時，只放在6樓一個小工具室內裝嵌。經歷3年，機身日漸成型，今時今日已經要撥出打通的兩個標準課室來擺放，每周有近30名學生，與他在課餘及飯後時間一同琢磨，前後經歷過二百名學生協助，預計明年完成裝嵌，校長還決定屆時把課室近大街一邊共廿個窗口全部拆走，再在窗外與大街之間搭建一條臨時橋樑，以方便飛機組件順利滑出學校，再經大貨車運載到香港飛機工程公司的機場空地完成最後合體階段，準備試飛。
如斯大規模的一件航空界大事，一切源於鄭楚衡的一個小念頭：他自小希望砌出一架屬於香港人的飛機，由組件裝嵌以至環球飛行，也由港人一手包辦。鄭是國泰航空的民航機師，自小對天空及太空有無盡的幻想，中學畢業後到美國佛羅里達州攻讀航天工程，學校鄰近美國太空總署，每隔幾個月就看見火箭、穿梭機升空，他看得如癡如醉，後來知道能做到太空人的門檻太高，他決定考入國泰當飛機師。
他一直有留意，美國製RV系列小型飛機，專門全球出售予自行組裝。買家完成後經當地民航部門批核後便可飛行。「嗰隻飛機係要求購買者自行裝嵌，以達至教育用途，唔可以買番嚟俾人幫你砌，喺世界各國，RV-8已經有1,143架順利飛行，都係啲退休人士、或者係一家大細，買啲金屬片番嚟慢慢砌。而我喺澳洲受訓時，隔籬有一間航空技術學校，正係要求學生由散件一直砌，砌成一架飛機，呢個學習過程我覺得好有意義，一直都諗如果我都有能力買一架飛機的話，都要去一間學校同學生一齊砌。砌起之後我會作慈善用途環球飛行，之後就會將隻飛機捐出嚟。」
08年，他的積蓄剛好足夠購買一架RV-8雙人飛機，便開始聯繫港島區的中學，「我住喺天后，過一條馬路就可以到達皇仁，我聯絡過佢哋同附近一啲中學，不過無人騷我，後來我再透過教會，聯繫到聖保祿學校的黃金蓮修女，佢乜都無問就一口話好，對我非常支持，由嗰陣時開始，我就逐啲逐啲組件運到學校，同學生一齊砌。」
幫手「砌飛機」的學生都是經過學校挑選出來，每年約有廿名學生獲此機會。一直參與裝嵌過程的聖保祿電腦科老師黃珮渝表示，「砌飛機俾人感覺好似係要啲好大隻嘅男仔先做到，但其實係細心仲緊要過大隻。每一粒螺絲都係要經過精密步驟去安裝，試過有學生喺定機翼嘅螺絲鑽錯咗一個窿，我哋為安全起見，都放棄咗個機翼，Hank去紐約親自買過捧番嚟香港。成班學生當時有啲沮喪，原來錯一個小節就要全個機翼放棄，之後佢哋更留神。」。
鄭楚衡不僅感動聖保祿的校長，過去3年，陸續有同僚及懂得航空工程的專業人士主動聯絡他。至今工程師學會、機管局、飛機工程公司、飛行服務隊、香港商用航空中心(HKBAC) 甚至香港飛行總會，也加入團隊之內，國泰航空稍後亦會舉行推廣活動。「我係俾佢嘅行為感動，我同佢同期受訓，十幾年來都知道佢一直有個夢想想擁有一架屬於香港人嘅飛機，以前佢好迷太空，佢會喺eBay bid一隻太空人手套同俄羅斯太空人嘅頭盔番嚟，但點都無諗過，佢會用成幾百萬買架飛機返嚟一齊砌同埋想環球飛行，我一定要支持。」他的同僚兼好友譚文豪表示。
500萬買環球飛機夢
‧引擎─50萬
‧自動導航+無線電+航行系統─40萬
‧機體─50萬
‧為環球飛行改裝機件及操作零件─60萬
‧25小時飛行測試＋保險─50萬
‧物流+特別燃油運港─20萬
‧應急基金─30萬
‧環球飛行費用─100萬
‧各國領空升降費(逐海里計) ─100萬
‧總計─500萬
試飛受阻 20工程師隨時候命 民航處頭痕
(2012年10月15日)
【am730訊】港產飛行夢並不容易一飛升空，鄭楚衡一直與民航處聯絡申請試飛，得到的都是不積極的回覆。隨著愈來愈多專業航天工程師加入團隊，民航處面對「宇宙最強」的飛行申請，飛行團隊期望民航處終有一日放行。
民航處向本報承認，已收到鄭楚衡申請在香港註冊及飛行自行裝嵌的RV-8飛機，該型號從未在港註冊，過去該處亦未曾批准RV-8在港飛行。由於該飛機不符合發出適航證(Certificate of Airworthiness)的國際要求，因此只可申請飛行認可(Permit to Fly)，申請人要求在香港國際機場試飛共25小時，測試飛機性能，有鑑於香港國際機場已十分繁忙，每天接近1,000班航班升降，在該處試飛會對其他航班、公眾和其他空域使用者帶來不能接受的安全風險。民航處已拒絕有關要求，又聲言申請人必須得到機管局同意試飛申請。
現時協助裝嵌飛機的工程師多逾廿人，其中一名主動加入團隊的註冊工程師達仁，任職本地航空公司，專責簽發外國的民用客機合規格飛港，他熟知所有認證程序。「我哋早已獲得機管局口頭同意俾深夜或凌晨時分我哋試飛，而我哋要求嘅25個小時，只係需要一個鐘頭嘅起飛及降落，我哋飛咗出去係唔會阻到機場運作。」
現時在港常見的Cessna及飛行服務隊剛購入的東歐型號Zlin都與RV-8一樣，是單引擎飛機，達仁續稱：「據我所知，香港有好多外籍機師都有買RV喺自己家鄉砌嚟飛，因為佢哋知道喺香港申請試飛係非常麻煩。我哋明白要做到第一架飛機可以試飛，係一個非常艱巨嘅過程，希望可以逐小步逐小步咁打開。我哋下一步係積極爭取俾民航處派人到學校做檢測，承認我哋呢班持牌工程師除咗有檢測專業，亦有裝嵌嘅專業，所以學校裡面嘅組件一直都無嵌埋，就係等有一日民航處官員行出呢一步，肯到學校睇我哋嘅成果。」
全站熱搜
留言列表
