close
1996年八仙嶺山火
香港新界八仙嶺1996年2月10號發生五級山火。呢場災難總共奪去咗五名師生嘅生命。為咗紀念呢次慘劇，事後香港政府喺八仙嶺起咗一座「春風亭」，畀市民同行山人士悼念罹難嘅師生。
死因庭喺1996年5月召開研訊，指山火係源於有學生吸煙及攜帶打火機。
死因裁判官又批評，意外發生嗰時師生比例超出教育署嘅規定，教師又冇將學生分成小組以便看管。
1996年2月10號，54名香港中國婦女會馮堯敬紀念中學嘅師生，喺八仙嶺仙姑峰登山遠足嗰時，突然俾山火圍困。
漁護署同消防處及民安隊出動超過200人撲救，飛行服務隊亦派出兩架直升機輪流掟水彈。
山火燒咗40個鐘之後，喺第二日上晝11點先全部救熄。
災難發生嗰時救護車必須要先將傷者送到屬區之內最近嘅急症室，然後先可以轉送到設備較完善嘅醫院急救，導致救護車最少要行多超過四公里，有傷者重一度要兩次上落救護車，期間延誤咗傷者嘅醫治。
死亡人數：5人
周志齊老師 （1963-1996)
王秀媚老師
死難學生
鄺淑玲、龍汝瑩及余驍桓
受傷人數：13人
李雋文 重傷
趙 罡 重傷
何韻賢 輕傷
陳濋汶 終生重傷
張潤衡 終生重傷
莊美儀 終生重傷
蘇婉珊 重傷
陳惠紅 重傷
葉 歡 輕傷
燒毀草地：20公頃
全站熱搜
留言列表
