close
放生馬德鐘 教訓愛徒
冼國林兜巴星陳嘉桓
2011年11月27日
Apple
Apple
【抽水門之峯迴路轉】陳嘉桓早前在橫店涉嫌被陳浩民和馬德鐘抽水，其師傅冼國林昨日開記者會，力斥陳浩民由人變狼，道歉冇誠意，言詞對陳浩民極為不利。冼師傅又指馬德鐘沒有觸碰陳嘉桓的身體部份，為馬洗脫抽水嫌疑。冼又自爆不滿徒弟「死蠢」不懂保護自己，怒摑了陳嘉桓一巴。
嘉桓被兜巴星 浩民人變狼
現年 19歲的陳嘉桓早前在橫店涉嫌被陳浩民和馬德鐘抽水，事件發生後，她上周已返港開記者會交代事情始末及報警求助；陳浩民也於上周四拖住臨盆在即的太太蔣麗莎開記招，聲淚俱下向陳嘉桓再三鞠躬道歉，但未為陳嘉桓師傅冼國林原諒。
http://easss.com/dvd
http://easss.com/dvd
陳嘉桓因未能就抽水事件好好解釋，遭師傅冼國林兜巴星。 《壹週刊》
冼國林與樂易玲昨日突然開記者會，其中冼之言論對陳浩民極度不利。
審陳嘉桓不滿答覆
昨日冼師傅與馬德鐘所屬的無綫高層樂易玲在觀塘寫字樓臨時開記者會，冼師傅力斥陳浩民道歉沒誠意、諸多掩飾和指黑為白，言詞對陳浩民極不利。記者問冼師傅對陳嘉桓指陳浩民與馬德鐘突然變成另一個人的看法時，冼師傅說：「一個調皮嘅人突然變咗狼，一個係謙謙君子，只係冇加援手，所以兩個佢都覺得失望。」
有否質疑為何陳嘉桓被抽水期間曾笑晒口？冼師傅表示有向徒弟了解，他說：「每張相我都問得詳細，其中佢答得唔好，我忍唔住摑佢一巴，死蠢。我問佢點解同人咁熟？搞到俾人誤會，女人點熟都要保持距離，陳嘉桓答唔出，所以我摑佢一巴。」
冼師傅指馬德鐘在事件曝光後透過多位朋友致電他解釋，自己初時覺得「唔 OK」，直至向陳嘉桓了解過後才有正確決定。冼師傅說：「馬德鐘之前發嘅聲明，原則上同我傾過，唔係亂發，陳浩民當時做嘅事係唔應該，於理不合，馬德鐘當時冇施予援手，係責無旁貸。喺陳嘉桓最無助嘅時候，馬德鐘拉佢埋身邊安慰佢，睇相覺得佢係抽水。我有問過陳嘉桓馬德鐘有冇抽水，陳嘉桓話馬德鐘喺耳邊問佢有冇事。我問馬德鐘有冇觸碰過佢身體部份，陳嘉桓話冇。」
馬德鐘昨日在橫店拍劇，多謝冼國林還他清白及多謝太太支持。
陳浩民前日拖住大肚老婆蔣麗莎出巡，但昨日未有步出家門。
斥陳浩民推卸責任
冼師傅強調並非偏幫任何一個人，他說：「陳嘉桓返嚟我問咗佢好耐，馬德鐘嘅安慰方式令人誤會係可以諒解，冇援手都唔啱。馬德鐘解釋當時飲醉酒，冇即時反應，呢件事處理唔啱，但得饒人處且饒人，唔應該當馬德鐘抽水。佢冇話陳嘉桓借佢上位，冇推卸責任，佢解釋我接受。」
那麼是否代表不原諒陳浩民？冼師傅說：「兩件事，一個冇抽水，一個係行為明顯嘅嚴重行為。我睇咗陳浩民嘅所謂道歉，佢喺微博推卸責任，話要帶眼識人，佢經理人又話人紅多是非，陳浩民好冇誠意，至前日先至出嚟道歉。」難道不為陳浩民落淚道歉感動？是否覺得陳浩民做戲？冼師傅說：「佢初時掩飾，之後指黑為白，呢個問題大家心裏有答案。」有傳有人找有勢力人士叫冼師傅等人收聲，冼師傅否認其事，揚言自己不怕惡人，並謂：「至於告陳浩民定馬德鐘，係警方決定。」是否報公安？冼說：「呢個係考慮之列，會諮詢國內律師意見。」由於陳嘉桓已報警求助，若依據冼師傅說法，現況對陳浩民可謂極為不利，相反對馬德鐘極為有利。
有傳馬德鐘太太張筱蘭因丈夫抽水事件而鬧離婚，樂易玲與冼師傅昨否認其事，樂易玲說：「馬太飛咗上去（橫店）陪佢，佢畀咗好多 support馬德鐘。」冼師傅補充說：「馬德鐘話要多謝太太同樂小姐，太太出咗好多力，佢太太知我同一位東華總理好熟，所以佢太太出面搵嗰位總理同我解釋。所以大家要珍惜眼前人同屋企人。」對於馬德鐘揚言捐款東華三院，冼師傅解釋是馬德鐘覺得道歉也不夠，希望能多做點事，故中間調停的東華總理建議馬德鐘捐錢做善事。
馬德鐘：還我清白
陳浩民和身在橫店的陳嘉桓昨日未見影蹤，陳浩民經理人昨表示陳浩民已舉行記者會道歉，故不會再就冼之言論回應。至於馬德鐘昨如常在橫店拍攝劇集《藍蝶之謎》，他接受記者訪問時說：「多謝冼師傅還我清白，多謝朋友、同事、 fans對我信賴同支持，特別多謝太太，因呢件影響佢生活，令佢好費心，多謝佢體諒，我會專心工作。」對太太是否到橫店相伴及冼師傅打算報公安，馬德鐘表示不作回應。
採訪、攝影：魯萍（香港）、葉君海（香港）、曾小嘉（橫店）
人物誌：葉問徒孫能文能武
冼國林和羅寶兒（右一、二）去年結婚，徒弟陳嘉桓（左一）專誠到賀。
投資電影《葉問前傳》捧紅陳嘉桓的冼國林師傅，小時候要習武， 17歲接觸詠春，從此便迷上了，冼師傅也是一代宗師葉問兒子葉準的徒兒。事業方面，冼師傅 80年加入銀行工作，憑一己知識扭轉外界對財務公司的負面形象，後來更自立門戶成立第一信用財務公司。他也是財經界猛人， 09年推出著作《笑看江湖》，分享在財經界的所見所聞，當中披露了鮮為人知的信貸騙案手法。家庭方面，冼師傅經歷過一段失敗婚姻，去年再婚，妻子羅寶兒日前更為他誕下一寶貝女。
全站熱搜
留言列表
